Bowenskólinn

CBS2020

Bowenskólinn hefur nú í yfir 20 ár útskrifað afburða Bowentækna í gegnum College of Bowen Studies í Bretlandi.
Aðgengilegt nám og öflugt lærdómssamfélag gerir nemendum kleift að ná góðum árangri í Bowentækni, hinni þægilegu snertimeðferð sem er algjörlega laus við þvingun og harkalega meðferð á líkamanum.

Ertu að leita að köllun þinni í lífinu eða leið til að hjálpa fólki að líða betur? Langar þig til að starfa sem meðferðaraðili og vinna í þróun nýrra aðferða fyrir líkamlega vellíðan? Yfir 4000 starfandi Bowentæknar, í fullu starfi eða hlutastarfi, eru til staðar í dag til að bæta líðan fólks, auka hreyfigetu og stuðla að meiri virkni þess í daglegu lífi.

Ástæðan fyrir miklum vinsældum Bowen er fyrst og fremst ný og fersk nálgun skólans að því að vinna með líkamann sem heild. Flókið kerfi bandvefs tengir öll líffæri saman og þar af leiðandi er einungis létt snerting notuð við meðferðina. Námið kostar lítið, er sveigjanlegt og því lítið mál að sinna því meðfram vinnu. Loks má ekki gleyma hinum frábæru kennurum sem styðja ávallt við bakið á nemendum.

Sjá nánar um College of Bowen Studies í Bretlandi

 

Skólastjóri

julian

Skólastjóri College of Bowen Studies Julian Baker er Upprunalega frá London, tók að sér kennslu í Bowentækni þegar hann var búsettur í Ástralíu. Hann kenndi upphaflega svæðanudd en hann leitaði í Bowen eftir að hafa farið í mjög árangursríkri meðferð við bráðum hálsmeiðslum. Þegar hann sneri aftur til Bretlands 1992 rak hann upphaflega læknastofu en byrjaði fljótlega að kenna Bowentækni í fullu starfi sem svar við gríðarlegri eftirspurn eftir Bowentækni.

Julian er reyndasti Bowen kennarinn í Evrópu og hefur notað reynslu sína til að þróa yfirgripsmikið kennaranám.

Kennarinn á Íslandi

jorunngray
Ég kynntist bowen árið 2007 þegar ég var búin að eignast frumburðinn, Gabríel Bjarma. Hann fékk það sem kallast ,,magakveisa” og ég byrjaði á því eins og flestir foreldrar að skunda með litla gullmolann til læknis. Einu svörin sem ég fékk voru að drengurinn myndi gráta svona sárum gráti næstu átta vikurnar svo yrði þetta búið. En ég var ekki tilbúin til að hlusta á barnið mitt kveljast svona eina mínútu í viðbót svo ég fór að leita allra annarra hugsanlegra ráða.Yndisleg frænka mín sagði mér að prufa að fara með hann í bowen en það hafði virkað mjög vel á strákinn hennar. Þar tók bowentæknirinn við honum og var örugglega ekki lengur en þrjár mínútur með hann. Mér sýndist hann ekki gera neitt neitt nema einhverjar smáhreyfingar á litla kútnum, þegar hann rétti mér svo drenginn aftur sagði hann að oft yrði mikil losun hjá börnum eftir bowenmeðferð annað hvort upp eða niður en þá væri þetta líka búið …spennan farin.

Ég verð að viðurkenna að ég var ekki alveg að kaupa þessar smáhreyfingar. Þetta tók enga stund og svo bara búið? Af hverju var þetta bowen þá ekki á allra vörum? En viti menn þetta stóð heima. Drengurinn minn skilaði bæði mjög miklu upp og niður og varð pollrólegur upp frá því.

Þarna hafði fræi verið sáð sem tók svo að vaxa. Þaðan var ekki aftur snúið og hálfu ári seinna var ég komin á fullt að læra bowen og farin að nota það á fjölskylduna,vini og vinnufélaga.
Ég byrjaði að læra í október 2007 og strax í nóvember gat ég hjálpað fólki með ótrúlegum árangri. Sumir flokkuðu það meira segja undir kraftaverk en ég held að í flestum tilvikum hafi ég verið sú sem varð mest hissa á útkomunni.

Og þó ég hafi bara ætlað í þetta fjölskyldunnar vegna hefur boltinn rúllað og nú er ég að taka fólk í meðferðir, einnig hef ég verið ritari í stjórn Bowentæknifélags Íslands byrjaði svo að aðstoða við kennslu, árið 2013 fór ég svo í kennaranám til Bretlands og tók svo við kennslunni hérna heima  á Íslandi. Hef núna opnað Heilsumiðstöð Reykjavíkur á Grensásvegi 50 og vinn þar í teymi með öðrum meðferðaraðilum.

Ég er líka alltaf að bæta við mig meira og meira í námi, reynslu og innsæi.

Jórunn Símonardóttir
Bowentæknir
C.B.S Bowentækni kennari á Íslandi

 

Saga skólans

Julian Baker var frumkvöðullinn fyrir Bowentækni í Ástralíu árið 1992. Hann hafði áttað sig á því að þeim mun minni átök sem meðferðin var fyrir líkamann þeim mun betri áhrif virtist hún hafa. Fram til þessa hafði hann verið eindreginn stuðningsmaður meðferðar sem fól í sér “að reyna á líkamann og athuga hvort það virkar” þannig að það var með trega sem hann komst að niðurstöðu sinni. Eftir mikla auglýsingaherferð komst Bowen á lista yfir gagnlegar verkjameðferðir og leiðir til aukinnar hreyfigetu. Síðustu 20 ár hefur hópur kennara og meðferðaraðila þróað starfið og unnið að rannsóknum til að auka skilning og bæta við þekkingu á Bowenmeðferð. Ásamt því að meta nemendur fyrir hönd Bowenskólans sinnir Julian nú mikilvægu rannsóknarstarfi og er brautryðjandi með hugmyndir sínar um líffæra- og lífeðlisfræði sem hann flytur og kennir áfram til meðferðaraðila úr öllum stéttum heilbrigðisgeirans. Með því myndar hann mikilvægar tengingar við háskólasamfélagið og þjappar saman fólki til að vinna saman að rannsóknum og úrlausnum. Sjá www.functionalfascia.com